Nondum tamen medea sum

Di coniugales tuque genialis tori,

Lucina, custos quaeque domituram freta

Tiphyn nouam frenare docuisti ratem,

Et tu, profundi saeue dominator maris

Clarumque Titan diuidens orbi diem

Tacitisque praebens conscium sacris iubar

Hecate triformis, quosque iurauit mihi

Deos Iason, quosque Medeae magis

Fas est precari : noctis aeternae chaos

Auersa superis regna manesque impios

Dominumque regni tristis et dominam fide

Meliore raptam, uoce non fausta precor.

Nunc, nunc adeste, sceleris ultrices deae.

                                        Sénèque, Médée, I, 1-13